Конференция өтті

Жаңатас көпсалалы колледжінде Елбасының «Болашаққа бағдар: рухани жаңғыру» бағдарламалық мақаласын жүзеге асыру аясында «Руханият» тарихи өлкетану орталығының жетекшісі Ақнұр Қойлыбекованың  ұйымдастыруымен  «Ұлттық сана: тарихи тәжірибе және рухани жаңғыру» атты  ғылыми – теориялық конференция өтті.

Конференцияның мақсаты ХХІ ғасырдағы заманауи жаһан жаңалықтарын меңгерген бәсекеге қабілетті, рухани дүниесі бай, дамудың даңғыл жолындағы бағыт-бағдары айқын, ата-баба аманатына адал, ел ертеңіне елеңдей отырып, елеулі үлес қоса білетін зиялы қауым ұстаздар пікірін білу.«Ұлттық сана: тарихи тәжірибе және рухани жаңғыру» ғылыми – теориялық конференцияда 15 оқытушы Елбасы мақаласын баяндап, өз тұжырымдарын, пікірлерін ортаға салды. Сарапшылар қорытындылай келе, тұжырымды ойын, жан-жақты пікірін ортаға салған, мазмұнды баяндамашылар Гүлжамал Оразқұлова, Мөлдір Ерубаева, Нұрсила Тілеуқабылова мадақтамамен,  Мұратбек Жұматаев Алғыс хатпен  марапатталды.

Елбасы маќаласы аясында

Елбасы Н.Назарбаевтың «Болашаққа бағдар: рухани жаңғыру» бағдарламалық мақаласы негізінде  ауданда, білім ордаларында біршама іс-шаралар көрініс тауып, желілік кестеге сай уақытылы өткізіліп тұрады. Ақтоғай орта мектебінде «Латын әліпбиі – ХХІ ғасырдың ғылыми және білім беру тілінің негізі» тақырыбында 10-сынып оқушыларына оқытушы  А.Арыстанова, «Тілім менің тірегім» атты тақырыбында 4 сыныпта өзін-өзі тану пәнінің мұғалімі Д.Жексенбина ашық сабақтар өткізді. Ал, «Сауатты ата-ана, балалардың құқығының қорғалуының кепілдемесі» тақырыбында ата- аналар жиналысы өткізілсе, «Қоғамдағы жанұя мен мектептегі зорлық- зомбылықсыз өмірдің принциптері» тақырыбында ата- аналармен мектеп психологы: Ж.Әділбекова семинар-тренинг жүргізді.мектептің «Салтанат залында» 8-11 сынып оқушылары арасында «Күзгі балл» сыныптан тыс іс- шарасы өтті. Онда бірінші орынды 8,9- сынып оқушыларынан құралған «Голд Леэбц» тобы, екінші орынды 10-сынып оқушыларынан құралған «Керемет күз әлемі», үшінші орынды 11-сыныптан құралған «Көңілді күз әлемі» топтары иеленді.