Astana EXPO-2017 көрмесіндегі Францияның «Жасыл энергетикасы» және мәдени дәстүрлері

 

Астана қ.                                                                                   2017 жылғы 22 мамыр

 

          «Экоқала», «Жаңартылатын энергия» және «Экологиялық көлік» – ЭКСПО-2017 көрмесіндегі Франция павильонының негізгі үш тқырыбы. Бұл туралы бүгінгі пресс-конференция барысында Франция павильонының бас комиссары Паскаль Лоро айтты. Ол халықаралық көрме шеңберінде Франция Республикасы болашақ энергетика саласында жеткен ең үздік жетістіктерін көрсетеді деп атап өтті.

 

«Францияның ұлттық павильоны Францияның үздік кәсіпорындары әзірлеген технологиялық инновациялар витринасы болады. Біздің павильон инновациялық технологиялар саласындағы біздің іскерлігіміз бен әлеуетімізді көрсетеді. Мұнда әртүрлі уақытта Франциядағы ірі компаниялардың, стартаптардың және мемлекеттік мекемелердің өкілдері келеді, сондай-ақ ғалымдарымыз энергетика саласындағы өз жұмыстарын ұсынады», – деп мәлімдеді Паскаль Лоро.

 

Паскаль Лоро өз сөзінде көрме павильонының жалпы концепциясымен таныстырды. Оның айтуынша, келушілер павильонның алдына ілінетін Франция өнер қайраткерлерінің жұмыстарын және көркем фотосуреттерді тамашалай алады. Сонымен қатар, Франция павильонының бас комиссары Франция павильонына келетін адамдар үшін үш ай бойы тегін семинарлар, мастер-кластар және ғылыми конференциялар ұйымдастырылады деді.

 

 «Павильонның конференц-залында үш ай бойы көптеген семинарлар, мастер-кластар және ғылыми конференциялар ұйымдастырылады, оны тамашалаған көрме қонақтары болашақ энергетикасы саласындағы Францияның инновациялық технологиялары, сондай-ақ білім беру, мәдениет және франкофония салаларындағы Франция мен Қазақстан ынтымақтастығы туралы көптеген қызықты мәліметтер ала алады», – деді Паскаль Лоро.

***

«Астана ЭКСПО-2017» ҰК» АҚ  2013 жылғы 15 қаңтарда «ЭКСПО-2017» Халықаралық мамандандырылған көрмесін дайындау және өткізу мақсатында құрылды.

Қосымша ақпарат алу үшін Қоғаммен байланыс департаментіне хабарласыңыз: тел.: +7(7172)938765, e-mail: pr@expo2017astana.com, www.expo2017astana.com